للناس الضايعة - إزاي تسجل في المنتدى

من طرف Bodi1988 الثلاثاء ديسمبر 30, 2008 6:16 pm

بسم الله
دا موضوع هاشرح فيه ازاي تسجل في المنتدى معانا وتبقى عضو فعال
وبما إنك وصلت هنا وبتقرأ الموضوع تبقى بتعرف تكتب عنوان المواقع وتدخل عليها

دلوقتي قدامك طريقين
1- لو انت مسجل معانا أصلا يبقى تطلع بره الموضوع دا - الموضوع مش ليك
2- لو انت مش مسجل معانا يبقى قدامك طريقين
1- لو بتعرف تسجل يبقى تطلع بره الموضوع دا - الموضوع مش ليك
2- لو انت ضايع ومابتعرفش تسجل في المنتديات يبقى قدامك طريقين
1- يا تطلع بره المنتدى من غير ما تسجل ومش عاوزين نشوفك تاني
2- أو تخليك محترم وتتبع التعليمات اللي أنا هتكبها هنا وتسجل معانا

دلوقتي هوريك المنتدى بعد ما تكتب عنوانه وتظهرلك البوابة
البوابة دي يعني بوابة المنتدى - مش المنتدى نفسه - علشان مايجيش واحد ضايع يقول إن المنتدى مافيش عليه محاضرات ولا حاجة، دا لأنه بيتغابى على نفسه وواقف على البوابة
زي ما واحد يقف على بوابة الأكاديمية ويقول مافيهاش معاهد ولا هندسة ولا نظم ولا حاجة
أكيد هنقول عليه متخلف عقليا، لازم تدخل المنتدى نفسه - يعني اضغط على كلمة الصفحة الرئيسية
بس قبل ما تدخل المنتدى عاوزك تسجل عضوية الأول - زي لما تدخل الأكاديمية بيكون معاك عضوية، الكارنيه يعني

ملحوظة - لو في صور مش كاملة، اضغط عليها كليك يمين واختار Save picture as، وسيفها على الهارد وشوفها من الهارد
دلوقتي صورة من أعلى صفحة البوابة
للناس الضايعة - إزاي تسجل في المنتدى 2headereditedpr9

للناس الضايعة - إزاي تسجل في المنتدى 2headereditedpr9

المفروض إن سيادتك هتضغط على كلمة التسجيل

هتظهرلك الشاشة دي
للناس الضايعة - إزاي تسجل في المنتدى 43333395xb9

ودي قوانين المنتدى العامة - لازم توافق عليها - طبعا اضغط على أوافق على هذه الشروط

هتظهرلك الشاشة دي
للناس الضايعة - إزاي تسجل في المنتدى 62291519td2

طبعا باين جدا إيه المطلوب من حضرتك - يعني ماتبقاش معتوه وتقول أعمل فيها إيه
بعد ما تملأ الخانات كلها، اضغط على كلمة سجل
ملحوظة - كلمة السر مش بتاعة الإيميل - علشان الناس الضايعة برده بتسأل أكتب الباس بتاع الإيميل؟؟؟؟ - لا طبعا ياعبقري، دا حاجة ودا حاجة تانية، يعني اكتب أي كلمة سر، بس هتبقى لدخولك على المنتدى هنا بس

هتظهرلك الشاشة دي
للناس الضايعة - إزاي تسجل في المنتدى 24759366fa1

للناس الضايعة - إزاي تسجل في المنتدى 24759366fa1

اكتب كلمة السر مرة كمان - المرة دي علشان خاطري

هتظهرلك الشاشة دي
للناس الضايعة - إزاي تسجل في المنتدى 76973123qt3

ودي باه أهم حاجة - بالنسبة للضايعين طبعا - لأنك لو ما قرأتهاش مش هتعرف تدخل المنتدى
خلاصة المكتوب فيها هو إنك لازم تدخل على الإيميل بتاعك اللي انت كتبته في خانة البريد الإليكتروني في الخطوة قبل اللي فاتت - اللي فيها خانات الاسم وتاريخ الميلاد، إلخ

المهم، لما تفتح إيميلك - وبفرض إنك على الهوتميل، طبعا هتظهرلك الشاشة دي
للناس الضايعة - إزاي تسجل في المنتدى Activation1editedgd8

للناس الضايعة - إزاي تسجل في المنتدى Activation1editedgd8

ولو ما لقيتش الرسالة في Inbox، اضغط على Junk في القايمة الشمال واحتمال تلاقيها
وزي ما انا كاتبلك في الصورة - افتح الرسالة

هتظهرلك الشاشة دي
للناس الضايعة - إزاي تسجل في المنتدى Activation2editedvy7

للناس الضايعة - إزاي تسجل في المنتدى Activation2editedvy7

اضغط على اللينك إللي أنا مشاور عليه في الصورة - وماتقولليش يعني إيه اللينك علشان مابهدلكش

المهم، بعد ماتضغط هتظهرلك الصفحة دي
للناس الضايعة - إزاي تسجل في المنتدى Activation3vs3

للناس الضايعة - إزاي تسجل في المنتدى Activation3vs3

دلوقتي مبرووووووووووووووووووووووووووووووووك - انت عضو معانا
دلوقتي تقدر تدخل باسمك وكلمة المرور اللي انت اخترتها

هتلاقي تحت البانر كلمة دخول - اضغط عليها، هتظهرلك صفحة فيها الشاشة دي
للناس الضايعة - إزاي تسجل في المنتدى 7orrq1

للناس الضايعة - إزاي تسجل في المنتدى 7orrq1

طبعا هتكتب اسم العضو - إللي انت سجلته قبل كدا في صفحة الخانات
وهتكتب كلمة المروم - إللي انت سجلتها قبل كدا في صفحة الخانات
واضغط على كلمة دخول
كدا انت سجلت دخولك
ممكن تدخل المنتديات براحتك وتكتب وترد وتهيس زي ماتحب
طبعا فاكر الفرق بين بوابة الأكاديمية والمعاهد والأقسام
يعني ماتقفش على البوابة وتقول أنا عاوز أكتب موضوع أو أشوف المحاضرات
ادخل المنتديات من جوة - اضغط على كلمة الصفحة الرئيسية تحت البانر

من طرف زائر الثلاثاء ديسمبر 30, 2008 7:58 pm

مشكوووووووووور bravo

من طرف bodi الأحد يناير 04, 2009 9:21 pm

lol mmkn wa7d y2olk al montda lah mach wa2f 3la al bwabh bta3to amn wla wa7d tany y2olk abab kan m2fol
2h al habl aly anta 3amlo dah 3la fkra al 3yal aly byd5lo al montada m3ahm snwayh 3la fkra mach gahla awy mat5afch geek